(បន្ទាយមានជ័យ) ៖ ភ្លៀងលាយឡំដោយខ្យល់កន្ត្រាក់ បណ្តាលប៉ះពាល់ ០២ឃុំ ខូចខាតផ្ទះសម្បែងប្រជាពលរដ្ឋរលំ និងប៉ើងដំបូលផ្ទះ ចំនួន ១៨ខ្នងផ្ទះ នៅល្ងាចថ្ងៃទី០៥ ខែឧសភា ឆ្នាំ២០២៤ នៅស្រុកថ្មពួក ។
លោក អែម សុខា អភិបាលស្រុកថ្មពួក បានប្រាប់ថា ភ្លៀងមួយមេធំលាយឡំដោយខ្យល់កន្ត្រាក់ បណ្តាលឱ្យប៉ះពាល់ ០២ឃុំ និងខូចខាតផ្ទះសម្បែងប្រជាពលរដ្ឋរលំទាំងស្រុង និងប៉ើងដំបូលអស់ ចំនួន ១៨ខ្នង ក្នុងនោះមានឃុំគំរូ ប៉ះពាល់ ចំនួន ០៦ខ្នង និងឃុំថ្មពួក ប៉ះពាល់ ១២ខ្នង ដែលរងការខូចខាតធ្ងន់ធ្ងរមានបាក់ និងរលំទាំងស្រុង ០៨ខ្នងផ្ទះ រងខូចខាតគោយន្តកន្ត្រៃ ០១គ្រឿង ដែលផ្ទះរលំសង្កត់ ។លោក បានបញ្ជាក់ថា ភ្លៀងធ្លាក់មួយធំរយៈពេលជាង ០១ម៉ោង ក្របដណ្តប់ ០២ឃុំ មានឃុំគំរូ និងឃុំថ្មពួក ដែលមានភ្លៀងធ្លាក់ ចាប់ពីម៉ោង ០៣ រហូតដល់ម៉ោង ០៤ល្ងាច ហើយមានលាយឡំដោយខ្យល់កន្ត្រាក់ បណ្តាលប៉ះពាល់ផ្ទះសម្បែងប្រជាពលរដ្ឋ ០២ឃុំ ចំនួន ១៨ខ្នងផ្ទះ ដែលរលំ និងប៉ើងដំបូល និងជញ្ជាំងបណ្តាលខូចខាត ។
លោក អែម សុខា បានបញ្ជាក់ថាទៀតថា ក្រោយភ្លៀងធ្លាក់លាយឡំដោយខ្យល់កន្ត្រាក់ប៉ះពាល់ផ្ទះសម្បែងប្រជាពលរដ្ឋ ០២ឃុំ ស្រុកថ្មពួក លោក និងមន្ត្រីក្រោមឱវាទ រួមជាមួយកម្លាំងយោធាតំបន់ប្រតិបត្តិការសឹករងស្រុក និងកម្លាំងនគរបាលស្រុក កម្លាំងរាជអាវុធហត្ថស្រុក បានចុះទៅពិនិត្យ និងជួយរុះរើរៀបចំទុកដាក់សម្ភារៈ ជូនប្រជាពលរដ្ឋដែលរងគ្រោះដោយខ្យល់កន្ត្រាក់ជិត ២០ខ្នងផ្ទះ អាចព្រឹកឡើងសុំកម្លាំង ចុះជួយអន្តរាគមន៍ជួសជុលឡើងវិញ ៕
ទីស្នាក់ការយើងខ្ញុំ ផ្ទះលេខ21B ភូមិវាល សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។ គេហទំព័រ ( WWW.WHITEHORSE-NEWS.COM ) យើងខ្ញុំ ផ្ដល់ព័ត៌មានពិត រហ័ស ច្បាស់លាស់ និងទទួលផ្សព្វផ្សាយពាណិជ្ជកម្ម សូមទំនាក់ទំនងលេខ៖ 078 393 839 / 081 393 839 / 060 393 839 / 031 839 3333 សូមអរគុណ!
No comments:
Post a Comment