សេចក្តីប្រកាសព័ត៌មានរបស់ មន្ទីរបរិស្ថានខេត្តសៀមរាប

សេចក្តីប្រកាសព័ត៌មានរបស់ មន្ទីរបរិស្ថានខេត្តសៀមរាប សូមជម្រាបជូនអ្នកសារព័ត៌មានជាតិ អន្តរជាតិ និងសាធារណជនទាំងអស់ មេត្តាជ្រាបថា៖ កាលពីថ្ងៃទី៨ មីនា ឆ្នាំ២០២៤ មានទំព័រហ្វេសបុកឈ្មោះ សន្ធិសញ្ញាសន្តិភាពទីក្រុងប៉ារីស៍ស្តីពីកម្ពុជា ដែលបានរៀបចំដោយបុគ្គល ឈ្មោះ ស្រ៊ុន ស៊្រន និង កញ្ញា ភឺង សោភា បានធ្វើការផ្សាយព័ត៌មាន ដែលមានចេតនាបំផុស ឱ្យមានការប្រព្រឹត្តបទល្មើសរំលោភដីរដ្ឋ ដែលកាន់កាប់ដោយសហគមន៍តំបន់ការពារធម្មជាតិ នៅចំណុចវាលតាឡោ ស្ថិតនៅក្នុងសហគមន៍តំបន់ការពារធម្មជាតិព្រៃធំពពេល ភូមិពពេល ឃុំខ្នងភ្នំ ស្រុកស្វាយ ខេត្តសៀមរាប។