(បន្ទាយមានជ័យ) ៖ កម្លាំងនគរបាលចុះបង្ក្រាប (ខេធីវី) ឃាត់ខ្លួនជនសង្ស័យ ១៥នាក់ មានជនជាតិខ្មែរ ចិន ឥណ្ឌូនេស៊ី រឹបអូសគ្រឿងញៀន និងសម្ភារៈចំនួន ៣៥ប្រភេទ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី៦ ខែតុលា ឆ្នាំ២០២៣ ។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានប្រាប់ថា ជនសង្ស័យដែលត្រូវឃាត់ចំនួន ១៥នាក់ មានជនជាតិខ្មែរចំនួន ១១នាក់ ជនជាតិចិនចំនួន ០២នាក់ ជនជាតិឥណ្ឌូនេស៊ីចំនួន ០២នាក់ ដែលស្នាក់នៅក្នុងបុរីសានស៊ានហូរ ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកបានបញ្ជាក់ថា នៅពេលឃាត់ខ្លួនជនសង្ស័យ ១៥នាក់ គឺកម្លាំងអធិការដ្ឋាននគរបាលក្រុងប៉ោយប៉ែត មានផ្នែកនគរបាលប្រឆាំងគ្រឿងញៀន និងកម្លាំងនគរបាលព្រហ្មទណ្ឌ បានចុះប្រតិបត្តិបង្ក្រាបឃាត់ខ្លួនជនសង្ស័យបានចំនួន ១៥នាក់ ក្នុងនោះមានជនជាតិ ០២នាក់ ជនជាតិឥណ្ឌូនេស៊ី ០២នាក់ និងរឹបអូសមានអាវុធខ្លីន ០១ដើម រួមទាំងគ្រឿងញៀន និងសម្ភារៈប្រើប្រាស់គ្រឿងញៀនសរុបចំនួន ៣៥មុខ ដែលបង្ក្រាបនៅទីតាំង (ខេ ស៊ី វី) កាលពីថ្ងៃទី៣ ខែតុលា ឆ្នាំ២០២៣ ក្នុងបុរីសានស៊ានហូរ ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកវរសនីយ៍ឯក សៅ សារឿន បានបញ្ជាក់ថា ក្រោយឃាត់ខ្លួនជនសង្ស័យ ១៥នាក់ និងវត្ថុតាងគ្រឿងញៀន រួមទាំងសម្ភារៈប្រើប្រាស់គ្រឿងញៀន និងអាវុធខ្លី ត្រូវបានយកមកសាកសួរនៅអធិការដ្ឋាននគរបាលក្រុងប៉ោយប៉ែត តាមចម្លើយសារភាព និងធ្វើតេស្តរកសារធាតុញៀន ក្នុងចំណោម ១៥នាក់ មាន ០១នាក់ អវិជ្ជមានសារធាតុញៀន ហើយត្រូវបានកសាងសំណុំរឿងបញ្ជូនបន្តទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្ត ៕
ទីស្នាក់ការយើងខ្ញុំ ផ្ទះលេខ21B ភូមិវាល សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។ គេហទំព័រ ( WWW.WHITEHORSE-NEWS.COM ) យើងខ្ញុំ ផ្ដល់ព័ត៌មានពិត រហ័ស ច្បាស់លាស់ និងទទួលផ្សព្វផ្សាយពាណិជ្ជកម្ម សូមទំនាក់ទំនងលេខ៖ 078 393 839 / 081 393 839 / 060 393 839 / 031 839 3333 សូមអរគុណ!
No comments:
Post a Comment